පලංචියේ ලී ඉරුවේ අපි එකට

පලංචියේ ලී ඉරුවේ අපි එකට මල් පැන් පොදක් රහ බැලුවේ අපි එකට එක වාඩියේ කල් ඇරියත් හිත හොඳට ඇයි මස්සිනේ පෙම් කලෙ අපි එක මලට විරසක වී රුපුන් ලෙස යුද වදින්නද කුළුඳුල් පෙම මෙයයි ඉන් අත් මිදෙන්නද පෙම්දම් නිසා මිතුදම් සිඳ දමන්නද හොඳ හිත නුඹෙ තරම් ලොවකින් ලබන්නද දොඩමළු කතා නෑ අද වාඩිය හෙවනේ නිදි නැති රැය පුරා නුඹෙ සුසුමයි ඇසුනේ හොර රහසින්ම එක සුවඳක් පැතු පවිනේ නුඹවත් නැතිවේද හෙට මට සකි සඳුනේ