නුවරඑළියෙ සිසිල් බවයි විටකදි හද මඩල

නුවරඑළියෙ සිසිල් බවයි විටකදි හද මඩල මහවන්නියෙ විරල බවයි විටකදි හද මඩල කොළොම්පුරේ රුදුරු බවයි විටකදි හද මඩල අනුරපුරේ සමාධියයි විටකදි හද මඩල... ගාලු කොටුවෙ බැම්ම වගේ රැකවරණය දුන්නා උණවටුනේ වෙරල වගේ සුන්දර බව මැව්වා හුම්මානේ වතුර වගේ දුන් සෙනෙහස ගත්තා කතරගමේ දෙවිඳුන් ජට මගෙ දුක මම කිව්වා... නුවරඑලියෙ සිසිල් බවයි... මහවැලි ගඟ බෙදුව වගේ ඔබ මා වෙන් කෙරුවා දුන්හිඳ දියඇල්ල වගේ මගෙ හිත ඇද වැටුනා හුන්නස්ගිරි කන්ද වගේ හුදකලාවෙ උන්නා ඉසුරුමුණියෙ පෙම් යුවලට මගෙ දුක මම කිව්වා නුවරඑලියෙ සිසිල් බවයි...